（十四）
喺澳门番黎之后，我哋各有各忙，kenny要开始佢最后一年的大学生活，而我银行度亦多左好多嘢做，根本抽唔到时间打波，令到我地隔咗两个月无见，应该係我地识左大半年以黎第一次咁耐无见。
大约十一月中旬，有一日我碌face果阵见到kenny改左做 a retionship with xxx，个名好明显係一个女仔。我第一反应係会唔会係玩下嘢，但后来醒起今日并唔係愚人节，加上又有好几张佢同个女仔的合照，所以我相信呢件係真事。
唔知点解，果一下有少少空虚同失落，亦开始明白点解kenny会两个几月无同我联络。虽然知道佢之前拍过两次拖，但当时我仲未认识佢，今次係我认识佢之后第一次知道佢拍拖。最后，我忍唔住喺face send左个讯息去”恭喜”佢。
我﹕衰仔！哗收得咁埋呀！而家有女唔识人啦！
kenny﹕边有呀光哥！係你自己忙ja a！之前约过你两次打波都推咗我！
我﹕哦咁即係怪我冷落你而家去搵条女陪你啦！
kenny﹕唔好咁讲啦光哥！光哥你想约我几时都得架，我好free架！
我﹕下礼拜啦，下礼拜六晚得唔得闲打波呀？
kenny﹕好呀无问题！
眨下眼黎到礼拜六。可能係太耐无打波，觉得自己手感好差，居然同kenny开ga拉成均势，好彩最后我破左佢最后一个发球局，六比四险胜左佢。
kenny﹕哗光哥两个几月无见遮，体力差左咁多？
我﹕无呀前排日日ot都无时间练波，係咁上下啦！你有打咩？
kenny﹕我梗係有偷练啦！之前同明哥佢地约一个礼拜打一晚左右啦。
我﹕睇黎如果我再係咁忙，过多几个月就输俾你啦！
kenny﹕咁快认输？
我﹕哈哈！不过今场都係我赢你先～
kenny﹕如果我之后赢左你，有乜嘢奖品架？
我﹕请你食饭啰～
kenny﹕我唔要食饭，我要食呢个！
然后佢喺迅雷不及掩耳的情况下，竟然来招猴子偷桃渣左我下体一下！
我﹕屌你呀～痛架！
kenny﹕同你玩左咁多次，都仲未食过佢…
我﹕顶你，咸湿仔！你唔係拍紧拖咩？做咩春仲对我咁有兴趣～
kenny﹕同男仔玩同女仔玩法唔一样架喎。
我﹕妖讲到懒有心得咁～唔讲啦去沖凉啦。
沖完凉之后，我问kenny要唔要去食宵，意外地佢拒绝左我。
kenny﹕唔得呀，应承左nile今晚去陪佢呀！
我﹕得啦，有女巴之闭啦，食女得啦，唔使食宵夜啦！
kenny﹕哈哈光哥你呷醋呀？如果你今晚肯俾小光光我食，我就考虑下唔食女啦！
我﹕顶你～边撚得闲呷你醋呀！走你就走啦，咁多口水。
最后佢走左，我自己一个买左外卖番屋企。我行番屋企时心喺度谂，如果我刚才应承佢，佢係咪就唔会走呢？但咁样好似同人争仔，好衰咁。但如果佢真係咁锺意佢女朋友，佢又点解要讲咁多嘢挑逗我呢？
算啦，无论谂再多结果都係佢走左去陪女，而我，决定番屋企睇片打飞机算。
（十五）
同kenny打完波之后，我地又再无见面，只係有时喺face倾几句或者互留。讲真，有时见到佢同条女出去食嘢打卡啲sweet sweet相，我个心都有少少顶住顶住咁。黎到十二月中，谂到又隔咗一个月无见，就主动whatsapp佢。
我﹕喂衰仔！又一个月无蒲头喎！
kenny﹕哈哈之前完se忙呀麻！点呀光哥！你想约打波？
我﹕打波唔好啦，呢排咁冻！见咁耐无见问候下你遮～
kenny﹕挂住我呀？xd
我﹕係呀好挂住呀咁几时得闲呀？唔好同我讲今年都见唔到你吓！
kenny﹕等我睇睇先～光哥你除夕倒数有无约呀？
我﹕我暂时未有呀！但你唔使陪女咩？
kenny﹕要架！圣诞陪佢啰！佢除夕唔得闲呀，约咗佢班姊妹去日本倒数喎，係我地拍拖之前约好架，唔係我都想陪佢倒数呀！
我﹕屌，即係搵我做后备啦！
kenny﹕哈哈俾你发现咗。
我﹕咁我考虑吓果晚得唔得闲啦！
（隔左五分钟）
kenny﹕考虑成点呀？
（再隔二十分钟钟）
kenny﹕光哥，你嬲？我讲笑ja…
我﹕顶！我似咁小气咩！去咗沖凉呀！
kenny﹕咁你除夕倒数得唔得呀！
我﹕好啦！勉为其难陪你啦:p
kenny﹕咁到除夕前几日再决定去边啦。
到除夕前两日，kenny whatsapp我。
kenny﹕点呀光哥？除夕想去边威呀？
我﹕无呀～年纪大啦，唔想夜蒲呀，不如果晚出去食咗饭之后黎我屋企睇电视unt down啦！
kenny﹕喔～
我﹕你唔想呀？
kenny﹕唔係呀！无所谓呀！咁你想食咩？
我﹕去食放题啦，我请你～
除夕果晚我地约七点半，好彩我预先订左位，否则成条街都人山人海实在好难搵到食。食到九点几，然后就坐地铁番左我屋企。
距离kenny上次上黎我度睇温布顿，原来眨下眼都差唔多半年。番到屋企十点多少少，我地睇咗阵电视，吹左一阵水，然后个电视开始做倒数节目，竟然係几个奀星唱歌，太耐无睇倒数节目，乜而家啲倒数咁不济架？
「十．九～～～三。二。一～happy new year!!!!」
电视传黎懒係热闹的欢笑声，而我举起手上罐可乐，同饮紧啤酒 kenny乾杯。
我﹕衰仔！新年快乐喎！
kenny﹕光哥新年快乐！过去一年，真係好开心识到你！
我﹕讲呢啲！有乜新年愿望呀？
kenny﹕希望顺利毕业搵到好工啰～仲有～
我﹕仲有乜嘢呀？
kenny﹕同nile继续sweet sweet啦！
我静咗，我觉得自己有少少似俾人掴咗一巴咁。
大概係见到我呆咗，kenny出声打破我地之间的闷局。
kenny﹕咁光哥你有乜嘢新年愿望呀？
我﹕我呀～我份人好现实，搵多啲然后快啲升职啰！
kenny﹕你咁好条件做咩唔搵番个女仔拍下拖呀？
我，又再语塞。（隔左十秒）
我﹕呢啲嘢顺其自然啦，无得强求架！
kenny﹕你啱！
我﹕咪咁多口水啦，十二点几啦喎，今晚喺度过夜啦！
kenny﹕咁好啦！
kenny沖完凉，然后换我沖，各自沖完都成一点几。我喺度吹头果阵，见到kenny坐喺我张床玩手机。
kenny﹕头先nile send左条片俾我，话佢头先喺神社倒数果阵许左个愿，希望同我甜甜蜜蜜喎，估唔到我地咁有默契许埋同一个愿望。
我当时心谂﹕屌你～做咩呢个我地二人世界时间条女都仲要阻头阻世架。
当然，我无可能俾kenny知我谂紧乜，我只係笑笑口回佢﹕唔係对对情侣都係咁架咩？
吹乾头，然后我熄灯瞓觉。其实我今晚留住佢，就係想同佢曳曳，亦因为咁我忍左好几日无打，但佢居然乜嘢动作都无，最后我忍唔住，决定去引吓佢。
我﹕衰仔～你唔係锺意裸睡咩？做咩今晚着晒衫瞓呀！（然后我借机去拉佢件衫）
kenny﹕冻呀～～唔好玩啦！好眼瞓呀！
我﹕哦咁早抖啦！
点解同我预期唔同？仲以为我引下佢佢会反客为主，点知佢反应竟然係咁冷淡，搞到我都好无瘾。到底係因为佢有女所以唔想再同我玩？还是佢对我身体已经失去兴趣呢？
（十六）
第二朝我瞓到十一点，然后望吓隔离，kenny唔係度。出厅同个厕所巡咗一圈，都唔见佢，然后我入房谂住搵手机打俾佢，见到佢十点个阵send左个ssa俾我﹕光哥我走先啦，中午约左屋企人饮茶，唔想嘈醒你，下次再约啊！
果一刻，真係好失落。谂番以前同佢过夜，就算之前果晚无玩，第二朝佢见到我晨勃都会撩吓我话要饮豆浆，估唔到今朝佢居然就咁走咗。本来以为有得同佢玩，等我忍咗几日无打飞机，结果而家只好开部电脑搵套gv，自己郁手解决。
之后几个月，因为天气冻的关係，我自己都好少打波，同kenny亦只有得闲喺face倾几句或者揿下like，联络比以前疏左好多。
有一日佢whatsapp俾我﹕光哥，我下个weekend想搵屋企人同啲朋友黎同我影毕业相呀，你得唔得闲呀？
咁耐无见佢，加上我果日亦无约，咁当然应承佢啦。
到咗果日，我约埋明仔一齐去，準时十点半到，都见到唔少人喺度影相，kenny离远见到我哋已经挥晒手。行到埋去，kenny介绍咗佢父母俾我认识，听到佢父母话成日听kenny提起有个光哥好照顾佢，然后不停同我讲多谢，搞到我几咁唔好意思。然后kenny再介绍咗佢女朋友nile俾我认识，係细细粒粒，娇小的骰型，笑得好甜果种。
kenny﹕nile，呢个就係我师傅光哥啦！
nile﹕光哥你好！kenny成日同我讚你话你好犀利架！
我﹕叫我阿光得啦。係佢学嘢快姐，佢就快打赢我架啦！
kenny﹕光哥係咪你怕我就打赢你所以呢排唔搵我打波呢？
我﹕边係呀！係你有女朋友唔得闲湿我姐！
kenny﹕我边係啲有异性无人性人呀，等我忙完实搵你。
成个影相过程，见到kenny同nile好sweet sweet，果刻我有种ixed feelg。见到个衰仔搵到个人对佢咁好当然替佢开心，但另一方面真係觉得我同佢距离好似越黎越远咁。当然，我知道我唔可以强求啲乜，我哋只不过係打过几次飞机的好兄弟遮。
隔咗两个礼拜，我send咗个ssa俾kenny。
我﹕喂衰仔？几时忙完呀？几时得闲打波食饭呀？难得你毕业，要请你食餐饭呀。
kenny﹕好呀！不如约六月头啦，我都想见你呀光哥，我到时都有个消息要同你讲！
我﹕好啦咁暂定六月头啦。
消息？佢会想同我讲啲咩呢？
后来我地约咗去一间日本餐厅食饭。本来想食饭之前约打波的，但废事打到身水身汗黎高级餐厅食饭搞臭人地个场，加上果几日一直都落雨，所以我地最后只好约dner。坐低咗，点完菜，我地就开始倾计。
我﹕喂你又话今日有消息同我讲？乜嘢咁神秘呀？
kenny﹕哈哈你仲记得呀！係呀之前未同你讲係因为未nfir，而家确实咗就讲得啦！我黎紧会去英国读硕士呀。
我﹕哗劲喎，唔怪得之前唔听你讲搵嘢做啦！
kenny﹕係呀～daddy话有书就读完晒佢先出黎做嘢喎，而且我都想去外国体验下。
我﹕咁你即係去几耐呀？
kenny﹕好似八月底定九月头先开学，但我想早少少过去适应环境，应该去一年啦。
我﹕咁正！
kenny﹕我七月打算搞farewell party架！你得唔得闲黎呀？
我﹕你定咗日子再同我讲啦。
然后我攞左份毕业礼物俾佢。
kenny﹕可唔可以而家拆架？
我﹕哈哈，你唔怕尴尬咪拆啰？
kenny﹕哈哈！唔通係sex toys？
我﹕顶～我唔知你有呢啲癖好喎！
kenny﹕咁我拆架啦！
佢打开咗，係一打levis底裤。
kenny﹕哈哈！光哥你点解送呢样嘢俾我?
我﹕你咁有钱好似乜都有咁，都唔知送乜！本来想送只网球拍架，但见你呢排又唔係点拍波！记得你第一次上我屋企见我着levis under话我有钱呀麻，咁咪买够一打俾你啰！
kenny﹕哈哈你仲记得呀！多谢晒呀光哥！够晒实用呀。
果餐饭，佢就一直讲到佢复活节同nile去左日本几日旅行的开心事，仲有佢申请硕士入学的经过等等。
全晚，我简直觉得係被双重打击。虽然，我一直笑笑口咁对住佢。
（十七）
大概知道kenny就黎去读硕士，加上天气开始热，所以我主动约多咗佢打波。果一排我几乎每晚都打番两三晚波，而佢几乎约亲都出，话自己都想练番好啲球技咁话。果一个几月算係自从我地相识后见得最密的一期，有时打完波会去埋食饭或者宵夜，不过有时佢打完波就会去陪女。
有一晚我地打完波之后，kenny问我。
kenny﹕光哥呀，我七月中飞呀，打算下个礼拜搞farewell，你得唔得闲黎呀？
我﹕如果週末应该得，但你班friend我唔识喎！
kenny﹕一定拣weekend啦，我会叫埋明仔架，你唔使怕唔识人啦！再唔係我介绍啲friend俾你啰，有几个几索架，仲单身添架！
我﹕顶你～而家你有女巴闭啦！睇死光哥沟唔到女要你介绍呀下？
kenny﹕讲笑遮！係喎光哥，礼拜六得唔得闲呀？
我﹕得呀？想约我？
kenny﹕係呀！不如礼拜六约打波之后再去我屋企啰，我有份礼物想送俾你呀！
我﹕哦好啦！礼物？做咩送礼物俾我呀？
kenny﹕咁你上次都有送毕业礼物俾我呀麻，咁我咪送番样嘢俾你礼尚往来啰！
我﹕哈哈死啦我上次送啲咁嘢俾你，你会送番乜俾我呀？
kenny﹕放心啦！保持神秘，到时你咪知啰。
到左礼拜六，果日我地约左五点打两个钟波，之后再去食饭。果朝我起身果阵收到kenny个whatsapp﹕光哥你带定要换衫啦，今晚黎我度过夜啦！
其实收到佢个whatsapp时我有竟惊且喜，惊係之前都未去过佢屋企，而且明明话俾份礼物我点解要上埋佢屋企，咁喜当然係佢当我好朋友先会搵我上佢度啦，而且唔知点解我直觉果晚