第三章
上回讲到自己连碗厚切餐肉公仔面都未食就喺梳化上面训左，真係瘀到爆炸
竟然喺学生家长面前咁训到成只猪咁，训训扎醒望下个钟见到係半夜两点几，
谂住执埋啲野鬼鬼鼠鼠咁走，
想开门嘅时候突然uncle alv着住件v-neck白tee短裤走左出黎，
我：唔好意思呀！我係唔係嘈醒左你呀？
alv：唔係，我以为老婆返黎嗜。走嗱？我车你返去？
我：唔使啦！我自己搭的士得啦，你继续训啦唔使理我。
alv：唔好，话晒都係阿允搅到你咁夜，一係你喺度训一晚一係我送你走你拣？
面对住一个男人咁样嘅要求我又点可以抗拒得到，最后都係决定训一晚。唔知係有心定无意，
佢拎左件白色s size背心同一条白底红边brief底底俾我，咁当然係有短裤啦，
夜麻麻又係人地屋企都唔要求咁多是但沖完就快啲训多阵
虽然自己一直都好想试下个风吕浴室但无谂过係喺呢个情况去试
沖到一半时alv问我要唔要牙刷佢话拎入黎俾我，无意识之下开左门俾佢入黎
因为平时打拳个个师兄弟都係大浴场咁一齐沖凉，所以唔会话有啲咩唔俾人见得
无为意佢係我一个学生嘅爸爸，应该係要有返小小距离先啱。
佢入到黎上下打量左我一眼，吹左下口哨，〝身材几好喎〞，我当堂好尴尬咁面都红晒。
我：uncle，我见到牙刷架啦，自己黎就得
alv：都话唔好叫uncle，叫我alv嘛，咁啲咁我放喺度，一阵你训我房啦，我训梳化就得
我：唔好，咁点好意思，我训梳化啦
alv：我又点可以俾客人咁呢？得架啦，梳化我霸左架啦，你训我张床，唔好推啦
虽然呢位uncle个样真係好后生，不过讲起野上黎真係好权威，令我唔知点拒绝佢。
沖完凉出到去见到佢一个人喺梳化上面无被又无枕头，仲要五月嘅天气无开冷气，
觉得好似我霸左佢张床唔係好啱咁，如果佢训得唔好无精神做野又更加死，
所以就胆粗粗问左佢一句：
我；如果你唔介意不如一齐训啦，横掂你係双人床
alv：咁你唔怕我实ok架
我：咁你怕我反训会分踢亲你嘅咁我都无咩好怕。
alv：咁我揽紧你咪唔怕啰
我：唔好讲笑啦，听日返早，快啲训。
呢一晚係我第一次训喺佢张床上面，个感觉其实係几怪嘅，因为佢係一个有老婆嘅男人，
同自己个仔嘅补习老师一齐训喺平时同老婆扑野嘅地方，呢一晚我地无野发生过，
不过训喺佢隔离係有一种讲唔出嘅安心感觉。
因为我第二朝有八半堂，所以七点几就起左身，见到我隔离训左个男人，真係好耐无同人训过夜，
想好好咁珍藏呢一刻嘅感觉，一个简单而又幸福嘅感觉。
就喺呢个时间突然alv起左身，拎左过黎一个转身扒左喺我个身上面，向住我块面深深咁咀左一啖
〝快啲起身啦猪猪。〞
我即刻呆左一呆，以为之后有咩事发生，同时佢都望住我，应该係话望得清楚係我，