终于完左个id ter啦，呼，真係鬆咗一口气，如果唔继续读落去呢个算係我人生最后一个id ter啦，真係有啲唔捨得，讲真係心都好矛盾，自己又想读书想学多啲野，但同时又唔想个loan越来越大，都唔知点算好，唯有宜家俾多啲心机返多啲part ti借少啲钱啦。不过可以得闲返又可以打文打得密，之前好多box嘅都覆唔切可以一次过做返晒啦。
第十八章
上回讲到：我同人地一家三口终于都上咗机顺利出发，喺机上面知道人地老婆为咗头家真係放弃咗好多野，咁当然我都知alv都一定係付出好多，结婚係用一生作为承诺去照顾人，呢个承诺唔只係俾个女仔，更重要嘅人俾人地屋企人，人地俾咗好多心机去照顾好个女，估唔到自己如珠如宝嘅女俾个仆街就咁呃咗去，如果要我做呢个衰人我真係做唔去，但我自问已经都试过好多次想离开alv，而得到嘅答案都係话唔驶我去理，就算真係仆街都係佢负责，头家係佢嘅我唔驶揽上身，有时佢讲到咁我都唔知可以点覆佢，又唯有死死地气做返佢上面嘅男人。
估唔到同佢地三个只係相处咗一日但都已经好开心，讲真大阪好多地方我都已经去过晒，因为我本身就係个揹住背囊就周围去嘅人，就算市内无咩人会去嘅天王寺通天阁同动物园都去过，但同佢地去真係好唔同，有一种俾爸爸妈妈照顾嘅感觉，而做咗好耐孤儿仔嘅我真係好享受呢个偷返黎嘅家庭温暖。虽然只係半日时间，但都去咗好多地方，黑门市场食咗个nch，去咗隔离电电城，同阿允拣咗好多高达同四驱车，估唔到原来alv好锺意iq博士个小云，见到佢拎住小云好大只figure谂好耐买唔买好就觉得好好笑，任何男人喺动漫面前都变咗做小朋友，alv呢个可爱样令我个心又跳得快咗，唔知cathy有无同一个感觉呢？我特登上咗去楼上有一间卖限定嘅舖买咗样野俾alv，唔知佢会唔会锺意，不过我好想见到佢用呢样野个样，一定好好笑。
之后我地仲行咗梅田同难波，见到佢地买到一袋二袋真係觉得好好笑，alv成日都捉住我要我同佢去睇野，但好多时佢明明就知道自己想要咩，根本就唔驶我去睇佢，不过见到佢其实都已经心满意足，去到心斋桥间大丸佢突然捉咗我上去同佢试衫，我有谂过唔同佢一齐去，一黎我知如果只係得两个人一定出事，就算无野都实会嘈，二黎係我做唔出喺人地一家人旅行时同佢做啲咩，但我知我成日都只係痴住阿允佢实好唔满意，如果再拒绝佢我谂唔到佢会点做，所以唯有做个乖仔同咗佢上去试衫。不过一路行都见到佢火火地，虽然我确实唔係好知佢嬲嘅点喺边，你地一家人乐也融融咁嬲果个好似应该係我先啱
alv：你係唔係好想避开我？
sa：其实今日可唔可以只係当朋友出黎玩咁唔好在乎咁多野
alv：咁你只係同阿允倾计同玩我点同你当朋友？
sa：你有无谂过大家眼中我同你应该唔熟
alv：但我见你同我老婆都倾得下计呀
sa：咁又点同？
alv：定你係想屌完人老公之后又想玩人老婆？
sa：on99，我无野想同你再倾
alv：你成日都痴住佢两个搏咩呀？搏佢两个都锺意你呀？