允：一阵上到机咪有野食啰，你怕佢好难食呀？
sa：点会呢，我惯咗起身要食野嘛
一时之间见到人地一家三口我真係好尴尬，一黎我係有对唔住呢家人，係有潜质去破坏成件事，另外亦都唔知同alv应该点相处，我应该同佢扮唔识定点好？不过阿允妈妈好nice咁话可以叫佢cathy就得，其实我同佢都唔係差好多年，如果叫antie就大夸张啦，佢好war嘅聱令我安心咗好多，不过同时都加深咗我对佢嘅罪恶咁，一个咁好嘅女仔係值得一个更好嘅人去对佢。不过同时见到有一团火喺个男人度射过黎，自从佢知我要去名古屋之后佢就认定咗我唔想同佢去旅行，认定我会避开佢唔同佢地一齐玩。
alv：你自己check 咗嗱？
sa：点解咁讲呢？
alv：你啲行李呢？
sa：你讲野态度可唔可以好啲？(呢句我讲得好细声，我觉得应该只係得佢听到。)
alv：咁你自己check 咗 ark好咗位嗱？
sa：我无行李，得个背囊
允：咁sa哥哥你买咗野咪无地方摆啰。
sa：唯有唔好买咁多啰，再唔係放喺你度
我地一行四人就咁就出发，上到机唔知点解我同咗cathy坐，两个人喺三个几钟头机倾咗好多野，我明白到点解佢咁忙事业仲发展紧就想结婚，成日都听人地讲，拍咗咁多年拖真係唔结就分，佢地中学就已经开始一齐，大家都係对方初恋，而佢亦都对我加拿大读书、一个人旅行嘅经历同工作地方好有兴趣。或者係大家对大家世界好唔明白，一个女仔毕业之后就入咗银行做，做咗几年就嫁咗生咗个仔，佢都好想自由自在做啲自己想做嘅事，而佢知道佢一世会喺家庭呢个乌笼入面。我唔敢问佢有无后悔，更加唔敢知如果而家佢可以再择过会唔会宁愿喺事业上面打拚好过要照顾屋企。alv一路都有留意我同cathy倾计，我知佢唔会惊我将我地嘅事讲出去，因为佢知如果我要讲都唔会要等到宜家，只係我知佢想尽量陪住我，话晒我地都已经有成个几星期无见过，但谂返朝早佢对我嘅态度，我都唔知可以点去对住佢。
待续